ක්රිෂ් ගනුදෙනුවේදී රුපියල් මිලියන 70ක මුදලක් සාපරාදී සාවද්ය පරිහරණය කළේ යැයි චෝදනා කරමින් පාර්ලිමේන්තු මන්ත්රී නාමල් රාජපක්ෂට අද (පෙබරවාරි 18 වැනිදා) කොළඹ මහාධිකරණය හමුවේ අධි චෝදනා පත්ර භාර දෙනු ලැබිණි.
නීතිපතිවරයා විසින් ගොනුකර තිබූ මෙම අධි චෝදනා පත්ර කොළඹ මහාධිකරණ විනිසුරු මංජුල තිලකරත්න ඉදිරියේ අද භාර දුන්නේ ය.
ඉන් අනතුරුව විත්තිකාර නාමල් රාජපක්ෂ රුපියල් ලක්ෂයක මුදල් ඇප සහ රුපියල් මිලියන 10 බැගින් වූ ශරීර ඇප දෙකක් මත මුදා හැරීමටද මහාධිකරණ විනිසුරුවරයා නියෝග කළේය.
ඊට අමතරව විත්තිකාර නාමල් රාජපක්ෂගේ ඇඟිලි සලකුණු ලබාගෙන වාර්තාවක් කැඳවන ලෙසත් විනිසුරු වරයා නියෝග කර සිටියේ ය.
98 Views