වෛද්යවරුන්ගේ අතිරේක රාජකාරී සහ නිවාඩු දීමනා සඳහා රජය විසින් මෑතක දී සිදු කරන ලද කප්පාදුව ආපසු හරවා නොගතහොත් මාර්තු 5 වනදා සිට දීප ව්යාප්ත වැඩවර්ජනයක නිරත වීමට සැලසුම් කර ඇති බව රජයේ වෛද්ය නිලධාරීන්ගේ සංගමය (GMOA) නිවේදනය කරයි.
GMOA ලේකම් වෛද්ය ප්රභාත් සුගතදාස මහතා පවසන පරිදි 2025 අයවැය මගින් අතිරේක රාජකාරි දීමනාව මූලික වැටුපෙන් 1/80 සිට 1/120 දක්වා සහ නිවාඩු දීමනාව 1/20 සිට 1/30 දක්වා අඩු කර ඇත. GMOA මෙම දීමනා ඔවුන්ගේ පෙර මට්ටම්වලට ප්රතිෂ්ඨාපනය කරන ලෙස ඉල්ලා සිටී – අමතර රාජකාරි සඳහා 1/80 සහ නිවාඩු වැටුප් සඳහා 1/20.
“මෙම නිවැරදි කිරීම මාර්තු 6 වනදා වන විට සිදු නොකළහොත්, මාර්තු 7 වනදා සිට අපි දැඩි ක්රියාමාර්ග ගන්නවා” යැයි අනතුරු ඇඟවූ වෛද්ය සුගතදාස, සෞඛ්ය සේවාවන් පවත්වාගෙන යන්නේ කෙසේද යන්න පිළිබඳව රජයට නැවත සිතා බැලිය යුතු බව පැවසීය.
GMOA සිය ස්ථාවරයේ ස්ථිරව සිටින අතර, සෞඛ්ය ක්ෂේත්රයේ කඩාකප්පල්කාරී තත්ත්වයන් වැළැක්වීමට වහා පියවර ගන්නා ලෙස ඉල්ලා සිටියි.